تري الأجاويد تدري الناس خطرها

عندي خبر زين يا بن العـم ويهمّـك
قبل الجرايد علـي العربـان تنشرهـا
فعلك ينومـس دنايـاك وبنـي عمّـك
لا كلّحـت شفـت الدنيـا خناجـرهـا
لكن وقت القسـي لا تستخـف دمّـك
علّـم هـذولاك غايبهـا وحاضرهـا
أن جيت يا مرحبا وأن رحت ما أذمّك
تري الأجاويد تدري النـاس خطرهـا
يا طيّب الراس من خالك ومن عمّـك
لو أكثـر النـاس تعجبنـي مناظرهـا
لا تمسح أدموع عينك من طرف كمّك
سـوق الركايـب وعبرهـا ودبرهـا
راحت حياتك لأبوك وفي وصال أمّـك
غير الحساني مـن الله مـا تدورهـا
الله يفـرج نهـار المعضلـه هـمّـك
مرسل جميع الرسـل للخلـق ينذرهـا
أصبر وبكـره يهـوّن همّـك وغمّـك
وأن كان خيّرت في اربع فاختر ايسرها
كم واحد(ن)يا السنافي بالحكـي خمّـك
عيب النشاما طناهـا فـي ضمايرهـا
من نم لك قدم وجهك في القفي نمّـك
وحسنات الأموات تاصل كف قابرهـا
يا لحر راعيك للصيـد الجـزل زمّـك
ضيعت مع زحمة أهل الماشيـه ثرهـا
شدوا وراحوا شمال ونظرتـي يمّـك
عسي تدل الحـرار الشقـر ماكرهـا
ماقلت طلع حروف القاف مـن فمّـك
عـدّل وبـدل وكسـرهـا وجبـرهـا
واليوم عذرك سـراب القافيـه زمّـك
هانـت علـي الأوايـل لا تكـررهـا
والعود الأزرق علي جمر الغضي شمّك
وأخبار بث الجزيره مـن مصادرهـا
تعال وأدخل في جفن العيـن وأضمّـك
تسرح وتمرح وتشرب سيل ماطرهـا
الله يحفظك ويرحـم شايب(ن)ضمّـك
دورات الأيـام مـن يقـدر يغيـرهـا
يا حـرف ودك تبعثـر كيـد وألمّـك
والشارده متعـب القيفـان صخرهـا
يا القاف من نقصك يا القاف من تمّك
وأنا سجينات الأدمـغ منـك احررهـا
ويا عد موج البحور المظلمـه طمّـك
والضاميـه مـن يوردهـا يصدرهـا
ما عاد يذكر علي سطح الفضاء جمّـك
مثل السوالف قليـل النـاس يذكرهـا
يالداب نابـك يسبّـل للخطـر سمّـك
علـي المخاليـق مسلمهـا وكافرهـا
لا صار خيـل القوافـي كلّهـا رمّـك
خـاو الذيابـه وسايرهـا وشاورهـا
والختم هذا الخبر خصّـك ولا عمّـك
أسلم وسلم علي الواحـه وشاعرهـا