[size=24]
وشتسـوي لو عشقت انسان ماهو من نصيبك
لا لك بهالوضـــع يد ولا لـــه بهالوضع سبه
وشهو ذنبك لو غدى من بين خلق الله حبيبك
تعرف إن قربه محــــال و قلبك مصمم يحبه
وانته متأكد وعارف يب يجي يوم و يسيبـــك
يعني متوقع بأي لحظه يغيـب و تغتــرب بـه
كل دربٍ يرحل بطيفه .. على وجهـك يجيبك
كل حـرفٍ يُكتب لغيره .. تحسه منكتب بـــه
كـــن كل عيـون خلـق الله عيـون ٍ لـه تذيبـك
تنثر احساسك جمر ملح وْعلى جرحك تصبـه
و اللي كاسر ظهر قلبك و بشقا الدنيا مصيبـك
عـارفٍ بانّك تحب !!.. و ما يعَرْف انّـك تحبـه
ساكن ٍ بأصغـر تفاصيلك و قلبه مـــا دري بـك
ساكن ٍ بأقصى معاليق الكيان اللـــــي لعـب بـه
وش تسوي لو مرضت بعشق من وصله طبيبك
و انتْ عارف لو ذبحــك العشق ما داواك طبه
[/size]
موضوع: وش تسوى!!!!! 
الخميس مايو 29, 2008 9:57 pm
