البارحة مدري وش اللـي خذانـي
يوم اجنبوا عني من الضيقة اشملت
جيـت أتكلــّم بـس عيـا لسانـي
ماكني إلا مرتكب ذنـب واخملـت
الله يسامح من ذكـرت ونساني
وأنا أدري إنـي لاذكرتـه تجملـت
عانيت وأدري كـل طيــّب يعانـي
وعلى حساب طعوني الخضر جاملت
ياما خذوا منـي ولا أحـداً عطانـي
من طيبتي في حق نفسي تساهلـت
عـزاي لامنـّـه تجهــّم زمـانـي
يممـّت وجهـي للكريـم وتوسلـت
واللي يبي قربـي وبعـدي لقانـي
أمشي على وضح النقاء ما تختلت
يامن سكنت اجمل زوايـا كيانـي
ياما على نفسي عشانك تحاملـت
مرات احس انك معي شخص ثانـي
ومرات احس انك حبيبي وما زلـت
لاتفرح انك دجـت بيـن المحانـي
لو ماتخون الذاكـره مـا تسللـت
عشان ماضيك الجميل وعشاني
حاول تشيل من الوفا ربع ماشلت
ماني على خبرك حبيبي ترانـي
حتى عن اصغار الاماني تنازلت
= = =
موضوع: الله يسامح !!!!؟؟ 
الخميس مايو 29, 2008 10:11 pm
